Kaleratzeak STOPek, Groseko HONDARPE Auzo Elkarteak, Amarako AMARA BAI Auzo Elkarteak, PARTE ZAHARREAN BIZI Auzo Elkarteak eta Benta Berriko auzo-elkarteek, BIZILAGUNEKIN Plataformak, DONOSTIA DEFENDATUZ koordinadorak eta gaur hemen bildutako dozenaka donostiarrek argi eta ozen esaten dugu Azorako 300 maizterrak zuen auzoetan bizitzen jarraitzea nahi dugula, kontratu egonkor eta alokairu merkeekin.
Gure gazteek alde egin behar ez duten hirian bizi nahi dugu; non familia askok, batez ere guraso bakarrekoek, ez duten pilatuta bizi behar sukalde-eskubidea duten geletan 450 euroko alokairuak ordainduz edo etxebizitza bera partekatuz, alokairu espekulatiboak Estatuko bigarren garestienak direlako; non inork ez duen beren diru-sarreren %50 edo gehiago alokairura bideratu behar, Europan %30 inguru erabiltzen denean.
Etxebizitzak Euskal Etxebizitzaren Legeak babesten duen bizitegi- eta gizarte-erabilera duten Donostia, eta ez etengabe hazten ari diren hotel-enpresen eta turismo-apartamentuen irabazirako hiria.
Bertako bizilagunak eta hurbileko merkataritza milaka turista hartzeko kanporatzen ez dituen hiria, gure auzoak bizigaitz bihurtuz.
Blackstone bezalako funts-putrerik gabeko hiria, 2018an Benta Berriko Babes Ofizialeko etxebizitzak bereganatu zituena, edo orain Azora, Inmobiliaria Vascongadak emandako milioi askoko pilotakadaren eskutik, alokairuak igotzeko eta, maizterrek ordaindu ezin badituzte, etxegabetzeko, 2013an Madrilen babes ofizialeko 3.000 etxebizitzekin egin zuten antzera.
Azken finean, Donostian edonor bizi ezin izatearen erantzulea, bereziki, Eusko Jaurlaritza da, 5 urte hauetan ez baitu alokairuaren prezioen kontrol espekulatibo eta geldiezina arautu.
Horregatik iritsi dira funts putreak. Orain, hauteskunde autonomikoen aurrerapenak eten egin duen Lege Proiektu bat aintzat hartzeko aukera zuten.
5 urteren ondoren, ez du etxebizitza hutsei dagokien kanona arautu eta alokairu sozialeko etxebizitzen parke eskasa mantentzen du; EAEn alokairuko etxebizitza guztien %2a da soilik, Europan% 15 ingurukoa denean.
Honen ondorio tragikoa gehiegizko alokairuak ez ordaintzeagatik edo kontratua amaitzeagatik kaleratzeak ugaritu direla da.
Eta bigarrenik, udal honek, alkatea buru izanik, Gobernu zentralari alokairuaren prezioak arautzea eskatzen dio, baina ez dio Eusko Jaurlaritzari eskatzen. Gainera, katalanaren antzeko proiektu bat mahai gainean duenean, erregulazio hori hemen Euskadin gauzatu ahal izateko.
Apartamentu turistikoen 1.200 jabeak lasaitzen ari da, baina ez ditu benta Berriko 520 familiekin berdin egin, ezta oraindik ere 300 familiekin, dozenaka sinadurarek hala eskatu badiote ere.
Familia guzti hauek kalean amaitzeko arriskua dute, funts putreek ezar ditzaketen gehiegizko alokairuak ordaindu ezin dituztelako; izan ere, etxebizitzarekin negozioa egitea bere gizarte-erabileraren gainetik jartzen duen etxebizitza-politika negargarri honekin ateak parez pare ireki dizkiegu.
ETXEBIZITZA DUIN ETA ESKURAGARRIA IZATEKO ESKUBIDEA DEFENDATZEN DUGULAKO!
BIZITZEKO DONOSTIA BAT NAHI DUGULAKO ETA EZ INSTITUZIOEN KONPLIZITATEAREN AURREAN ETXEBIZITZAREKIN ESPEKULATZEKO!
DONOSTIAN BIZI NAHI DUGU, FUNTS PUTRERIK GABE, TURISMO MASIFIKAZIORIK GABE, NON ETXEBIZITZA ESKUBIDE BAT DEN ETA EZ NEGOZIOA, ETXEGABETZERIK GABE!!
HELBURU BERBERENGATIK, ETXEBIZITZA DUIN BATEN ALDEKO ETA HIRI BIZIGARRIAREN ALDEKO EUROPEAR KOALIZIOAK MARTXOAREN 28AN EUROPAKO HIRI ASKOTAN MOBILIZAZIOAK DEITUKO DITU.